Rusiya Prezidenti Vladimir Putin Ukraynanın kənd təsərrüfatı məhsullarından Qərbə qarşı “şantaj” kimi istifadə edir.

Xəbər verilir ki, bu barədə ABŞ dövlət katibi Entoni Blinken deyib.

Dövlət katibi bildirib ki, Odessa yaxınlığındakı siloslarda və şəhər limanına yanaşan gəmilərdə təxminən 20 milyon ton buğda saxlanılır:

“Rusiya Ukraynanın ən məhsuldar əkinçilik ərazilərindən bəzilərini ələ keçirdi. Həyati əhəmiyyət kəsb edən kənd təsərrüfatı infrastrukturu məhv edildi”.

Ərzaq böhranının Afrikaya təsir etdiyini bildirən Blinken, “Prezident Putindən doğru şeyi gözləyə bilmərik” – deyib.

Qeyd edək ki, Ukrayna qlobal “çörək səbəti” kimi tanınır və BMT-nin Ərzaq və Kənd Təsərrüfatı Təşkilatının məlumatına görə, dünya miqyasında beşinci ən böyük buğda ixracatçısıdır.

Azadsoz.com

• Teqlər:
• EntoniBlinken
• Putin
• Ukrayna
• ABŞ